ការងារពី អង្គការគ្រូពេទ្យគ្មានព្រំដែន

អង្គការគ្រូពេទ្យគ្មានព្រំដែនហៅកាត់ថា MSF គឺជាអង្គការអន្ដរជាតិឯករាជ្យមួយ ដែលបានផ្ដល់នូវជំនួយសង្គ្រោះបន្ទាន់ ដល់ប្រជាជនដែលរងផលប៉ះពាល់ដោយសង្គ្រាម រោគរាតត្បាត គ្រោះមហន្តរាយដោយធម្មជាតិ និង ការថែទាំសុខភាព។ អង្គការគ្រូពេទ្យគ្មានព្រំដែន បានផ្តល់នូវជំនួយ សប្បុរសធម៌ដល់ប្រជាជន ដែលមានតម្រូវការ ដោយមិនគិតពី ពូជសាសន៍ ភេទ សាសនា ឋាន: តួរនាទី ព្រមទាំងនិន្នាការនយោបាយ។ សកម្មភាពរបស់យើងត្រូវបាន ដឹកនាំដោយវេជ្ជសាស្រ្ត ដែលមានក្រមសិលធម៌វិជ្ជាជីវៈ គោលការណ៍ អព្យាក្រឹតភាព និង មិនលំអៀង។ ការសហការជាមួយ ក្រសួងសុខាភិបាល មន្ទីសុខភិបាលខេត្ត និង ស្ថាប័នពាក់ព័ន្ធផ្សេងទៀត, អង្គការគ្រូពេទ្យគ្មានព្រំដែនកំពុង អនុវត្តសកម្មភាពថ្មីរបស់ខ្លួន នៅក្នុងស្រុករវៀងខេត្តព្រះវិហារ និង ស្រុកថាឡាបរិវ៉ាត់ ខេត្តស្ទឹងត្រែងដើម្បីរួមចំណែក ដល់ការលុបបំបាត់ជំងឺគ្រុនចាញ់។