អ្នកបើកបររថយន្ត និង ថែទាំបច្ចេកទេស សំរាប់ អង្គការទស្សនៈពិភពលោក កម្ពុជា

ក- ផ្នែកបើកបរ

1. បើកបររថយន្តដែលបានកំណត់ឲ្យដោយប្រធានរដ្ឋបាល ជំនួយការរដ្ឋបាល ឬប្រធានកម្មវិធីឯទៀត។
2. ទទួលខុសត្រូវចំពោះច្បាប់ដោយបើកបរគោរពច្បាប់ចរាចរដែលបានកំណត់ រួមទាំងការប្រើប្រាស់ល្បឿនយានយន្ត និងច្បាប់ផ្សេងៗដែលពាក់ព័ន្ធដល់ចរាចរឲ្យបានត្រឹមត្រូវ។
3. កត់ត្រាប្រចាំថ្ងៃនូវរាល់ការប្រើប្រាស់រថយន្ត ចំងាយប្រើប្រាស់ រួមទាំងរបាយការណ៏ដែលទាក់ទងទៅនឹងផ្នែកថែទាំនិងជួសជុលផងដែរ។
4. ត្រួតពិនិត្យប្រចាំនូវបច្ចេកទេសរថយន្តទៅតាមលំដាប់ ដូចជា សម្ពាធខ្យល់កង់ ខ្សែពាន អាគុយ ប្រេងម៉ាស៊ីន ហ្រ្វាំង ។ល។ ជាពិសេសត្រូវប្រាកដថាប្រេងម៉ាស៊ូតត្រូវតែពេញជាប្រចាំ។
5. ត្រូវចេះប្រើប្រាស់ខ្សែក្រវ៉ាត់សុវត្ថិភាពក្នុងរថយន្ត ព្រមទាំងណែនាំដល់អ្នកដំណើរឲ្យចេះប្រើប្រាស់ផងដែរ
6. ជួយលើកដាក់ទំនិញចេញចូលរថយន្តរាល់ពេលដែលអ្នកដំណើរមាន និងត្រូវការឲ្យជួយធ្វើ

ខ- ផ្នែកថែទាំនិងជួសជុល

1. ចែកចាយប្រព័ន្ធអគិ្គសនី
   • ត្រូវប្រាកដថាប្រព័ន្ធអគ្គិសនីមានដំណើរការល្អ ជួសជុលជាបន្ទាន់នូវការចាំបាច់ដែលអាចធ្វើទៅបានដើម្បីឆ្លើយតបទៅនឹងតម្រូវការប្រើប្រាស់។
   • ការប្រើប្រាស់ម៉ាស៊ីនភ្លើងនិងថែទាំជាប្រចាំទៅតាមការណែនាំរបស់រោងចក្រដែលត្រូវផ្លាស់ប្តូរប្រេងទៅតាមកំណត់នៃម៉ោង។
   • ជូតសំអាត ថែទាំកញ្ចក់ និងប្រព័ន្ធសូឡាឲ្យបានជាប្រចាំនិងតាមការណែនាំរបស់រោងចក្រ
2. ប្រព័ន្ធម៉ាស៊ីនត្រជាក់
   • ត្រូវប្រាកដថារាល់បណ្តាញ និងឧបករណ៍ម៉ាស៊ីនត្រជាក់ល្អ និងត្រូវបានសំអាតជារៀងរាល់ពីរខែម្តង ហើយត្រូវឆ្លើយតបទៅតាមបច្ចេកទេស
3. ប្រព័ន្ធបំពងសំឡេង
   • ត្រូវប្រាកដថាប្រព័ន្ធបំពងសំឡេងត្រូវបានឮ ហើយដំណើរការដោយល្អនៅពេលប្រជុំ ឬមានសកម្មភាពការងារដែលត្រូវប្រើ និងជួសជុលឲ្យបានទាន់ពេលវេលាចាំបាច់ 
4. ប្រព័ន្ធសុវត្ថិភាព (នៅទីកន្លែងដែលអាចធ្វើទៅបាន)
   • ត្រូវប្រាកដថាសំឡេងរោទ៍ត្រូវបានឮ ហើយដំណើរការដោយស្វ័យប្រវត្តិនិងជួសជុលឲ្យបានទាន់ពេលវេលាចាំបាច់
5. ប្រព័ន្ធទូរស័ព្ទ
   • ត្រូវប្រាកដថាប្រព័ន្ធទូរស័ព្ទទំនាក់ទំនងទាំងអស់មានដំណើរការល្អ និងប្រក្រតី ត្រូវជួសជុលឲ្យបានទាន់ពេលវេលាក្នុងករណីដែលខូចខាត
6. ការថែទាំអាគារការិយាល័យនិងជួសជុល
   • ត្រូវប្រាកដថាអាគារការិយាល័យទាំងមូលត្រូវស្អាត មានសុវត្ថិភាព និងថែរទាំត្រឹមត្រូវ
   • ផ្លាស់ប្តូរ និងជួសជុលជាបន្ទាន់នូវការបែកបាក់ខូចខាត ធ្លុះធ្លាយដំបូលតូចតាច ។ល។
   • ត្រូវប្រាកដថារាល់ម៉ូទ័របូមទឹក និងប្រព័ន្ធផ្គត់ផ្គងដំណើរការបានល្អនិងប្រក្រតី
   • ត្រូវប្រាកដថារាល់ទ្វារបង្អួច ។ល។ ស្ថិតក្នុងលក្ខខ័ណ្ឌល្អ និងដំណើរការជាប្រក្រតី
   • កិច្ចការងារដទៃទៀតដែលបានស្នើរសុំឲ្យធ្វើដោយប្រធាន និងភ្ញៀវដែលធ្វើដំណើរជាមួយផង