សិក្ខាកាម សំរាប់ Equitable Cambodia
| ចំនួន : | 1នាក់ |
| ឈប់ទទួលពាក្យ : | ថ្ងៃទី 31 ខែ ធ្នូ ឆ្នាំ2025 |
| ប្រាក់ខែ : |
$230
|
| បទពិសោធន៍ : | ត្រូវការ |
| សញ្ញាបត្រ : | បរិញ្ញាបត្រ |
អង្គការសមធម៌កម្ពុជា (EC) គឺជាអង្គការកម្ពុជាក្នុងស្រុក ដែលធ្វើការលើកកម្ពស់ការអភិវឌ្ឍដែលគោរព និងការពារសិទ្ធិមនុស្ស ធនធានធម្មជាតិប្រកបដោយនិរន្តរភាព តម្លាភាព និងយុត្តិធម៌សង្គមតាមបែបប្រជាធិបតេយ្យ។ អង្គការសមធម៌កម្ពុជាត្រូវបានចុះបញ្ជីដោយក្រសួងមហាផ្ទៃជាអង្គការមិនមែន រដ្ឋាភិបាលជាតិកម្ពុជា នៅក្នុងខែមីនា ឆ្នាំ២០១២។
កម្មវិធីចងក្រងសហគមន៍ដើម្បីសិទ្ធិលំនៅឋាន (COHR) របស់អង្គការសមធម៌កម្ពុជា (EC) កំពុងស្វែងសិក្ខាកាម ០១ នាក់ ដើម្បីចូលរួមសិក្សាវគ្គ “ការចងក្រងសហគមន៍” ដែលមានមូលដ្ឋាននៅក្នុងខេត្តសៀមរាប ហើយដែលអាចតម្រូវឱ្យធ្វើដំណើរទៅតាមគោលដៅនានារបស់គម្រោង ឬស្ថាប័ន។
- សម្របសម្រួល និងធ្វើការជាមួយ សហគមន៍ក្រីក្រនៅក្នុងតំបន់គោលដៅគម្រោង និងសមាជិកសហគមន៍ជារៀងរាល់ថ្ងៃដើម្បីកៀគរឱ្យមានការចូលរួម និងពង្រឹងអំណាចសហគមន៍។
- អនុវត្តសកម្មភាពរៀបចំសហគមន៍ ដូចដែលបានកំណត់ក្នុងផែនការ និងតាមការស្នើសុំរបស់សហគមន៍។
- តាមដានសកម្មភាពការងារកម្មវិធីចងក្រងនៅក្នុងសហគមន៍ និងផ្តល់មតិកែលម្អសម្រាប់ការ ងារនាពេលខាងមុខ។
- ទំនាក់ទំនង កសាង និងរក្សាទំនាក់ទំនងជាមួយប្រជាជនសហគមន៍។
- ចងក្រង និងសម្របសម្រួលកិច្ចប្រជុំសហគមន៍ និងការប្រមូលព័ត៌មានសហគមន៍។
- ចងក្រង និងសម្របសម្រួលការឆ្លុះបញ្ចាំងប្រចាំសប្តាហ៍លើការងារ ឬបញ្ហារបស់សហគមន៍។
- ជួយរៀបចំ និងសម្របសម្រួលការបណ្តុះបណ្តាលសហគមន៍។
- ដាក់សំណើធ្វើសកម្មភាព ធ្វើកំណត់ហេតុកិច្ចប្រជុំ/របាយការណ៍សកម្មភាព និងរបាយការណ៍ប្រចាំខែទៅអ្នកគ្រប់គ្រងផ្ទាល់។
- ធ្វើការងារផ្សេងទៀតតាមការចាត់តាំងរបស់ប្រធានកម្មវិធីក្រងក្រង និងគណៈគ្រប់គ្រងនៃអង្គការសមធម៌កម្ពុជា។
- High School Diploma
- Bachelor's Degree in ច្បាប់កាន់តែប្រសើរ
- មានកម្រិតវប្បធម៌ចាប់បញ្ចប់ថ្នាក់ទី១២ ឡើងទៅ ឬប្រសិនបើជានិស្សិតផ្នែកច្បាប់កាន់តែប្រសើរ។
- មានចំណេះដឹង ឬបទពិសោធន៍ទាក់ទងនឹងការចងក្រងសហគមន៍ ជាពិសេសលើបញ្ហាសិទ្ធិដីធ្លី និងលំនៅឋាន។
- ជាយុវជនសកម្មដែលមកពីសហគមន៍អសុវត្ថភាពដីធ្លី។
- មានការប្តេជ្ញាចិត្តខ្ពស់ក្នុងការងារសហគមន៍។
- មានភាពស្មោះត្រង់ និងមានការប្តេជ្ញាចិត្តខ្ពស់ក្នុងការធ្វើការជាមួយសហគមន៍ក្រីក្រក្នុងទីក្រុង។
- មានឆន្ទៈក្នុងការប្រឈមនឹងសម្ពាធពីលក្ខខណ្ឌការងារ។
បេក្ខជនដែលមានចំណាប់អារម្មណ៍ សូមផ្ញើរប្រវត្តិរូបសង្ខេប (CV) និង Cover Letter មកកាន់ការិយាល័យផ្នែកប្រតិបត្តិការ តាមរយៈអ៊ីម៉ែល ដែលបានផ្ដល់ជូននៅក្នុងព័តមានទំនាក់ទំនង។ សូមកុំភ្ជាប់នូវវិញ្ញាបនបត្របញ្ជាក់ការសិក្សានានា។ ស្ត្រីត្រូវបានលើកទឹកចិត្តយ៉ាងខ្លាំងក្នុងការដាក់ពាក្យ។
សម្រាប់ព័ត៌មានបន្ថែម សូមទាក់ទងទៅកាន់ទូរស័ព្ទ ឬចូលទៅកាន់ គេហទំព័ររបស់អង្គការសមធម៌កម្ពុជា ។ មានតែបេក្ខជនដែលជាប់ក្នុងបញ្ជីសម្រាំងប៉ុណ្ណោះនឹងត្រូវបានអញ្ជើញឱ្យមកសម្ភាសន៍។ អង្គការសមធម៌កម្ពុជា គឺស្ថាប័នដែលផ្តល់ឱកាសស្មើគ្នា និងលើកទឹកចិត្តឱ្យមានបុគ្គលដែលមានសមត្ថភាពទាំងអស់សម្រាប់ឱកាសការងារនេះ។ រាល់ពាក្យស្នើសុំកាងារនៅអង្គការសមធម៌កម្ពុជានឹងត្រូវបានរក្សាការសម្ងាត់យ៉ាងតឹងរឹង។
លក្ខខណ្ឌផ្សេងៗ៖
អង្គការសមធម៌កម្ពុជា (EC) នឹងធ្វើការពិនិត្យឈ្មោះ សិក្ខាកាម ទៅនឹងការប្រឆាំងការលាងលុយកខ្វក់ និងប្រឆាំងភេរវករផ្តល់ហិរញ្ញប្បទាន ដែលត្រូវបានទាមទារដោយម្ចាស់ជំនួយ។
សិក្ខាកាម មិនត្រូវចូលរួមក្នុងការបៀតបៀនផ្លូវភេទ ការកេងប្រវ័ញ្ច ឬការរំលោភបំពានណាមួយឡើយ។អង្គការសមធម៌កម្ពុជា លើកកម្ពស់ និងការពារសុវត្ថិភាព និងសេចក្តីថ្លៃថ្នូររបស់កុមារ។
អង្គការសមធម៌កម្ពុជា ទទួលបានមូលនិធិពីប្រភពម្ចាស់ជំនួយជាច្រើន និងធ្វើការដើម្បីធានាថាថវិកាត្រូវបានចំណាយយ៉ាងត្រឹមត្រូវ និងតម្លាភាព។ សិក្ខាកាមមានទំនួលខុសត្រូវខ្ពស់ក្នុងការបញ្ចៀសអំពើពុករលួយ និងធានាថាថវិកាជំនួយទាំងអស់ត្រូវបានចំណាយយ៉ាងត្រឹមត្រូវចំពោះម្ចាស់ជំនួយ ដៃគូ និងអ្នកទទួលផល។ គោលការណ៍ដែលមានចែងនៅក្នុងគោលនយោបាយប្រឆាំងអំពើពុករលួយរបស់ អង្គការសមធម៌កម្ពុជា៖ ជម្លោះផលប្រយោជន៍ ការរំលោភអំណាច និងការជំរិត ការក្លែងបន្លំ និង ការកឹបកេង សំណូក បក្សពួកនិយម អំណោយផ្សេងៗ។
នៅពេលអ្នកដាក់ពាក្យសំរាប់ការងារនេះ ប្រសិនបើអាចសុំជួយប្រាប់ទៅកាន់ក្រុមហ៊ុនថា "អ្នកបានឃើញការងារនេះក្នុងគេហទំព័រ www.khmeronlinejobs.com".
អរគុណទុកជាមុន,
ពីក្រុមការងារ ខ្មែរអនឡាញចប
| ឈ្មោះអង្គការ : | Equitable Cambodia |
| ឈ្មោះសំរាប់ទំនាក់ទំនង : | Equitable Cambodia (EC) |
| អុីម៉េល : | job@equitablecambodia.org |
| អាស័យដ្ឋាន : | #5, Street 145, Sangkat Phsar Daeum Thkov, Khan Chamkar Mon, Phnom Penh, Cambodia |
