អ្នកបច្ចេកទេស សំរាប់ Live and Learn Cambodia Organization
| សំរាប់ : | ជនជាតិខ្មែរ |
| ផ្នែក : | វិស្វករ - ស៊ីវិល |
| ពេលធ្វើការ : | ពេញម៉ោង |
| ភេទ : | ប្រុស, ស្រី |
| ភាសា : | ខ្មែរ, អង់គ្លេស |
| តំបន់ : | ភ្នំពេញ |
| ចំនួន : | 1នាក់ |
| ឈប់ទទួលពាក្យ : | ថ្ងៃទី 30 ខែ សីហា ឆ្នាំ2026 |
| ប្រាក់ខែ : |
តាមការចរចារ
|
| បទពិសោធន៍ : | ត្រូវការ |
| សញ្ញាបត្រ : | បរិញ្ញាបត្រ |
អង្គការរស់នៅ និងសិក្សាកម្ពុជា គឺជាអង្គការមិនមែនរដ្ឋាភិបាលក្នុងស្រុកមិនស្វែងរកប្រាក់ចំណេញ ដែលបានចាប់ផ្តើមប្រតិបត្តិការរបស់ខ្លួនតាំងពីឆ្នាំ ២០០៥ មកម្លេះ។ ស្របតាមយុទ្ធសាស្ត្រអភិវឌ្ឃជាតិរបស់រាជរដ្ឋាភិបាល និងទស្សនៈវិស័យក្នុងការកាត់បន្ថយភាពក្រីក្រនៅកម្ពុជា និងជាពិសេសនៅតាមសហ គមន៍ជនបទ ប្រកបដោយនិរន្តភាព និងសមភាព ជាមួយនឹងបេសកកម្មពង្រឹងសមត្ថភាពពលរដ្ឋកម្ពុជា នឹងដំណោះស្រាយប្រកបដោយភាពច្នៃប្រតិដ្ឋ ដើម្បីធ្វើឲ្យប្រសើរឡើងនៅកម្រិតជីវភាព និង បរិស្ថានប្រកបដោយនិរន្តរភាព។
បច្ចុប្បន្នអង្គការរស់នៅ និងសិក្សាកម្ពុជា បាននឹងកំពុងអនុវត្តគម្រោងនៅក្នុងខេត្ត ក្រុងមួយចំនួនដែលរួមមានដូចជា ភ្នំពេញ ក្រចេះ ស្ទឹងត្រែង រតនគិរី និងសៀមរាប ដែលគម្រោងភាគច្រើនធ្វើលើកកម្ពស់ជីភាពរស់នៅ បង្កើនការយល់ដឹងរបស់ប្រជាពលរដ្ឋមូលដ្ឋាន ក៏ដូចជាយុវជនពីការប្រែប្រួលអាកាសធាតុ បរិស្ថាន និងសារៈសំខាន់នៃការការពារ និងអភិរក្សធនធានធម្មជាតិ។ សហគមន៍ដែល អង្គការរស់នៅ និងសិក្សាកម្ពុជា ធ្វើការជាមួយមានដូច សហគមន៍តំបន់ការពារធម្មជាតិ សហគមន៍នេសាទ (ជលផល) និងសហគមន៍ព្រៃឈើជាដើម។
សហគមន៍ព្រៃឈើព្រៃតាម៉ូវគឺជាសហគមន៍មួយដែលទើបតែត្រូវបានចាប់ជាដៃគូរក្នុងការអនុវត្តគម្រោងសាកល្បងមួយដែលមានឈ្មោះថា ការបង្កើតគំរូសហគមន៍ព្រៃឈើដែលធានាបាននូវនិរន្តរភាពហិរញ្ញវត្ថុដោយខ្លួនឯង នៅក្នុងស្រុកវ៉ារិន ខេត្តសៀមរាប (ESCM) ដែលទទួលបានការគាំទ្រថវិកាពី កម្មវិធីជំនួយខ្នាតតូច UNDP។ គម្រោងនេះមានរយៈ១២ ខែដែលត្រូវបានអនុម័តឲ្យអនុវត្តចាប់ពីថ្ងៃទី ២១ ខែកក្កដា ឆ្នាំ ២០២៦ រហូតដល់ថ្ងៃទី ២០ ខែកក្កដា ឆ្នាំ២០២៧។
សហគមន៍ព្រៃឈើព្រៃតាម៉ូវ (PTM-CF) គឺជាសហគមន៍មួយដែលត្រូវបានបង្កើតឡើង និងទទួលស្គាល់ជាផ្លូវការដោយរដ្ឋបាលព្រៃ នៃក្រសួងកសិកម្មរក្ខាប្រម៉ាញ់ និងនេសាទតាំងពីឆ្នាំ ២០០៥ ដែលមាន ផ្ទៃដីសរុបចំនួន ៩១៣ ហិចតា ដែលបាននឹងកំពុងការពារ និងអភិរក្សដោយសហគមន៍ផ្ទាល់។
សហគមន៍នេះមានទីតាំងក្នុងភូមិវ៉ារិន ឃុំវ៉ារិន ស្រុកវ៉ារិន ខេត្តសៀមរាប ដែលមានចម្ងាយប្រមាណជា ៨៥ គីឡូម៉ែត្រពីក្រុងខេត្តសៀមរាប។ បន្ទាប់ពីបានសិក្សា និងសហការយ៉ាងជិតស្និទ្ធជាមួយភាគីពាក់ព័ន្ធ ជាពិសេសជាមួយសហគមន៍ផ្ទាល់ គម្រោងបានរៀបចំសកម្មភាពសំខាន់ៗជាច្រើន ដើម្បីចូលរួមស្តារព្រៃឈើ និងគាំទ្រសហគមន៍ព្រៃតាម៉ូវ។ ក្នុងនោះ សកម្មភាពអាទិភាពមួយគឺ ការជីកប្រឡាយ និងស្រះទឹកនៅក្នុងដីព្រៃសហគមន៍ ក្នុងគោលបំណងបង្កើនប្រសិទ្ធភាពនៃការការពារ និងអភិរក្សធនធានព្រៃឈើ។
- ដំណាក់កាលទី១៖ការចាប់ផ្តើម
- រៀបចំកិច្ចប្រជុំជាមួយភាគីពាក់ព័ន្ធ ដើម្បីពិភាក្សា ស្វែងយល់ និងប្រមូលព័ត៌មានបឋម។
- ពិនិត្យឡើងវិញនូវឯកសារពាក់ព័ន្ធ និងទិន្នន័យផែនទីដែលមានស្រាប់។
- សិក្សា និងយល់ដឹងឱ្យបានស៊ីជម្រៅអំពីគោលបំណង និងលទ្ធផលរំពឹងទុករបស់គម្រោង។
- ដំណាក់កាលទី២៖ ការចុះសិក្សាស្ថានភាពជាក់ស្តែងនៅទីតាំងផ្ទាល់
- ជួបប្រជុំជាមួយប្រជាសហគមន៍ និងចុះពិនិត្យមើលស្ថានភាពភូមិសាស្ត្រជាក់ស្តែង។
- សិក្សាពីប្រព័ន្ធធារាសាស្ត្រ ចរន្ត និងលំហូរទឹកក្នុងតំបន់។
- សិក្សាពីលក្ខណៈបច្ចេកទេស និងគុណភាពដី។
- សិក្សាវាយតម្លៃប្រព័ន្ធលំហូរទឹកដែលមានស្រាប់ ទាំងក្នុង និងជុំវិញតំបន់គម្រោង។
- សិក្សាវាយតម្លៃផលប៉ះពាល់លើបរិស្ថាន និងប្រព័ន្ធអេកូឡូស៊ីព្រៃឈើ។
- កំណត់ខ្សែតម្រឹម (Alignment) ប្រឡាយទឹកឱ្យស្របតាមបទដ្ឋានបច្ចេកទេស។
- កំណត់ទីតាំង ទំហំ និងប្រវែង ប្រឡាយ ផ្លូវអម និងទំហំស្រះទឹកឱ្យសមស្របតាមបទដ្ឋានបច្ចេកទេស។
- ដំណាក់កាលទី៣៖ គូរប្លង់តាមបទដ្ឋានស្តង់ដារបច្ចេកទេសវិស្វកម្ម
- រចនាប្លង់ប្រឡាយទឹក និងផ្លូវអម៖ កំណត់ប្រវែងសរុប ទទឹង ជម្រៅ មុខកាត់ខាងលើ បាតប្រឡាយ កម្រិតជម្រាល និងទំហំផ្លូវអមមាត់ប្រឡាយ។
- រចនាប្លង់ស្រះទឹក៖
- កំណត់កូអរដោនេ/ទីតាំងភូមិសាស្ត្រជាក់លាក់ និងវិមាត្រ (ប្រវែង ទទឹង ជម្រៅ)។
- គណនាបរិមាណដីត្រូវជីកកកាយ និងកម្រិតជម្រាលរលក/ជម្រាលចាំងាយ។
- រចនាប្រព័ន្ធ/រចនាសម្ព័ន្ធច្រកទឹកចូល និងច្រកទឹកចេញ។
- កំណត់វិធានការសុវត្ថិភាព និងភាពរឹងមាំនៃទំនប់/ខ្នងស្រះ។
- ដំណាក់កាលទី៤៖ ប៉ាន់ប្រមាណខ្ទង់ចំណាយ និងទំហំថវិកា
- គណនាតម្លៃដើមឯកត្តា។
- ធ្វើការប៉ាន់ប្រមាណទំហំថវិកាសរុប (BOQ - Bill of Quantities) ដែលត្រូវចំណាយលើការសាងសង់។
- កំណត់តម្រូវការសម្ភារៈ គ្រឿងចក្រ និងឧបករណ៍បច្ចេកទេសសម្រាប់សាងសង់។
- រៀបចំកាលវិភាគ និងផែនការសកម្មភាពសាងសង់។
- ដំណាក់កាលទី៥៖ ការបង្ហាញពីលទ្ធផល និងរបាយការណ៍
- រៀបចំកិច្ចប្រជុំបង្ហាញលទ្ធផលនៃការសិក្សា ព្រមទាំងប្លង់គំរូជូនដល់ភាគីពាក់ព័ន្ធ។
- រៀបចំ និងប្រគល់ របាយការណ៍បូកសរុបលទ្ធផលនៃការសិក្សា និងកញ្ចប់ប្លង់បច្ចេកទេសសមាសភាពពេញលេញ។
Qualifications:
- Bachelor's Degree in វិស្វកម្មសំណង់ស៊ីវិល ធារាសាស្ត្រ ឬជំនាញដែលពាក់ព័ន្ធ។
Skills & Knowledge:General & Technical Skills
- មានបទពិសោធន៍ក្នុងការគូរប្លង់បច្ចេកទេសប្រឡាយ និងស្រះទឹកសហគមន៍ ជាមួយអង្គការក្រៅរដ្ឋាភិបាល (NGOs) ឬស្ថាប័នអភិវឌ្ឍន៍នានា។
- មានបទពិសោធន៍ធ្វើការយ៉ាងជិតស្និទ្ធជាមួយសហគមន៍នៅតាមតំបន់ជនបទ។
- មានជំនាញ និងបទពិសោធន៍ក្នុងការសម្របសម្រួលកិច្ចប្រជុំ ការធ្វើបទបង្ហាញ និងការសរសេររបាយការណ៍លទ្ធផល។
បេក្ខជន ឬបេក្ខនារីដែលមានចំណាប់អារម្មណ៍ សូមផ្ញើ ប្រវត្តិរូបសង្ខេប (CV), លិខិតបង្ហាញពីចំណាប់អារម្មណ៍ (Cover Letter) ព្រមទាំង សំណើថវិកា/តម្លៃសេវាកម្ម (Financial Proposal) ដែលបានរាប់បញ្ចូលទាំងពន្ធ និងការចំណាយផ្សេងៗ មកកាន់ អាសយដ្ឋានផ្ទាល់ ឬតាមរយៈអ៊ីមែល ដែលបានផ្ដល់ជូននៅក្នុងព័ត៌មានទំនាក់ទំនង។
នៅពេលអ្នកដាក់ពាក្យសំរាប់ការងារនេះ ប្រសិនបើអាចសុំជួយប្រាប់ទៅកាន់ក្រុមហ៊ុនថា "អ្នកបានឃើញការងារនេះក្នុងគេហទំព័រ www.khmeronlinejobs.com".
អរគុណទុកជាមុន,
ពីក្រុមការងារ ខ្មែរអនឡាញចប
| ឈ្មោះអង្គការ : | Live and Learn Cambodia Organization |
| ឈ្មោះសំរាប់ទំនាក់ទំនង : | Live & Learn Cambodia (LLC) |
| អុីម៉េល : | procurement.cambodia@livelearn.org |
| អាស័យដ្ឋាន : | Building 54 (Room 503), St. 598, Boeng Kak Ti 2 Sangkat, Khan Tuol Kouk, Phnom Penh, Cambodia |
| គេហទំព័រ : |
http://www.livelearn.org |
